楊千昨日在黃竹坑拍攝無綫特輯，並宣布明年演唱會再度加場！於特輯內大晒燉鴨絕技的千笑稱為此每日公然「叫鴨」，實行無視老公丁子高！

千嬅與老公丁子高在節目中大玩煮飯仔，Sweet到爆！

丁子高開香檳時酒塞亂飛，嚇到千嬅同阿姐即刻避開！

三人齊齊試食千嬅炮製的芋頭炆鴨。

楊千嬅昨日為無綫拍攝特輯，期間她High爆宣布明年的演唱會再度加場，合共舉行七場：「會加多1月30、31號兩場。（加完再加？）睇反應，好感恩！」其後她與老公丁子高及嘉賓汪明荃（阿姐）開香檳慶祝，因開瓶聲響過大，加上酒塞亂飛，令千嬅及阿姐均嚇得花容失色！

順其自然追女

千嬅自爆以前極在意演出是否爆滿，幸老公每天贈予佛經勸告她放下煩憂。她又笑言要與囝囝Torres排練學校聖誕活動的舞步，故二人經常在家載歌載舞。問到是否有意追B？她說順其自然：「我年紀大，（BB）係天畀。（追女？）冇所謂又冇壓力。」

談到今次與無綫合作拍攝個人特輯？千嬅笑說：「我喺無綫參加新秀出身，亦都做過主持同拍劇。今次我喺『原產地』拍特輯！」

阿姐都話正

即場炮製芋頭炆鴨的千嬅，更搞笑地自爆日日公然「叫鴨」，實行無視老公：「我練習咗呢個菜式一星期，係咁去買鴨嚟煮，日日公然叫鴨！（畀幾多分自己？）應該合格啦！」而阿姐亦大讚千嬅的炆鴨十分美味，但丁子高卻表示初期不敢試食：「頭幾次煮我冇試食，之後製成品先試。」