王祖藍與張晉前晚到尖沙咀出席主演電影《黃飛鴻之英雄有夢》首映，同場還有林海峰、林德信及張文慈等，導演周顯揚因要陪太太生B而未能出席。在無綫台慶突擊向李亞男求婚的祖藍表示，婚禮定於明年2月14日情日節，於九龍城一間可容納4千人的教會舉行，翌日則到迪士尼筵開60多席喜酒，問到婚禮花費多少？他說：「錢就唔理，最緊要另一半開心，來賓又玩得開心。」對於有指早在台慶前已求婚，祖藍說：「我夠膽當天發誓，之前係未求過婚，曾經結過婚嘅人都知道，唔會求咗婚先搞結婚。（事前有共識？）之前已經同大家講咗談婚論嫁，但係點解一直未求婚，因為未向對方父母提親。（迪士尼一早預訂？）提親係7月嘅事，想保密到上個月，好遲先訂場地，又未諗到求婚點樣可以有驚喜，所以拖到咁遲。」

祖藍（右）與張晉出席首映禮時動作多多。

此外，對於太太蔡少芬退股童裝生意，張晉說：「忙碌係其中原因，佢精力有限要多啲時間休息，我哋又要多啲時間拍拖呢！」