前港姐蔡思貝（Sisley）於無綫劇集《名門暗戰》中，不慎被蕭正楠（Edwin）搞大個肚而同居，Edwin卻依然搭上陳庭欣（Toby），更在家中大玩煮飯仔。本周講到Sisley不想做「電燈膽」，於是向Edwin自稱有飯局，獨自兜風期間，乘坐的小巴突然向前衝，結果令Sisley意外小產！

蕭正楠大讚蔡思貝拍攝小產這場戲時夠晒搏。

岳華（右）與黎耀祥於劇中的父子關係正式決裂。

談到拍攝雨中接Sisley一幕，Edwin大讚對方夠搏：「佢跌嗰下，地下又濕，其實都好危險，佢又信我可以接到佢，接唔到佢就會仆親。」而曾在德國照顧孕婦的Sisley表示演出冇難度，又自爆喜歡小朋友，將來一定會生BB：「我首個目標係賺多啲錢，然後領養小朋友。（未婚就領養？）單身可能有難度，但許可的話一定會。」

此外，黎耀祥將與飾演其父親的岳華正式決裂。