「美國甜心」珍妮花安妮絲頓（Jennifer Aniston）於荷里活打拚20多年，全靠老竇基因好，依然保住靚樣穩坐一姐位置，今年更有望憑新作《Cake》破蛋拎奧斯卡，力證外貌與實力兼備！

珍：珍妮花安妮絲頓

記：記者

記：你點樣面對人生不愉快嘅經歷？

珍：我真係一個很寬容的人，學習原諒別人是一件很重要的事，如果長期心懷怨恨，會令內心積聚好多怨氣，就算有人真係對你做好多不可原諒嘅事，你都要學習放下，明白大家都只係平凡人，都會犯錯。

記：你好緊張你把招牌長髮嗎？

珍：現在的顏色比平時深了些，我真係好鍾意，不過其實都係頭髮啫。

記：你有冇擔心會日漸變老？

珍：我可以做啲咩？唔通發爛渣咩？不過，我覺得踏入40歲令我感到前所未有咁開心，無論工作方面、身體方面定係精神方面都感覺好好。我聽到荷爾芭莉（Halle Berry）47歲大肚被形容為「老蚌生珠」，實在太冒犯了！

讚未婚夫全世界最親切

記：究竟你依家有冇大肚？

珍：近期我開始冇再像以前一樣瘋狂做Gym，覺得身體應該休息一下，而代價係肥咗幾磅同4千個大肚傳聞，除此之外，感覺都算唔錯。

記：你覺得未婚夫Justin Theroux係一個點嘅人？

珍：Justin係全世界最謙虛、最親切的人之一。佢對眼真係好迷人，而且我哋之間有講唔完嘅話題，單單兩人相處已經好開心，還未厭倦對方，真係好開心。

遺傳優良基因

記：點解你到45歲依然Keep得咁好？

珍：我真係沒有甚麼養生秘訣，我諗係因為遺傳嘅關係，每次望見我81歲的老竇面上幾乎冇咩皺紋都會好驚訝，我想這真的很有幫助，同時我每日都會飲好多水，做瑜伽同食得好健康。

改形象搏到盡

雖然珍妮花已經做了20多年演員，成功躋身荷里活一姐的位置，不過她從未獲得過奧斯卡提名，向來拍開搞笑愛情片的她今次終於一改戲路，參演劇情片《Cake》，飾演一名慢性痛症患者，需要犧牲招牌「美國甜心」靚樣、素顏出鏡兼畫上多道疤痕，而且要背上支架演出，為角色搏到盡，好彩《Cake》在多倫多電影節播映後好評如潮，其演出更被看好有望獲得奧斯卡最佳女主角提名，作出零的突破！