蘇永康開房招呼醉爆兄弟

梁漢文（Edmond）與蘇永康前晚盛裝打扮，為弦樂團音樂會擔任表演嘉賓。康仔表示上一次在香港大會堂演出已是2000年的10月，亦是他父親最後一次欣賞到他的表演：「我一嚟到就覺得好感觸，嗰時佢聽到一半就頂唔順要入番醫院，我到依家都仲記得佢坐咩位。」將於下星期舉行婚宴的他又表示，會筵開四十九席，身為好兄弟的Edmond已預留一整天給他，但當晚只負責睇場：「我唔想頂酒喇！我知我飲太多之後嘅娛樂性好高，無謂上報紙搶晒鏡啦！」康仔則笑言對一班兄弟非常貼心，因為已在酒店預訂房間，屆時會將喝醉的人抬上去。