胡杏兒昨日以賽車女郎打扮出席電單車展，提到現時與無綫的續約情況，她說：「最遲明年年中決定，之前我開工未有坐低諗，睇吓呢個月放假可以考慮，公司點都有感情分。（趁機去旅行？）冇人陪我呀！」由於今年沒有劇集推出，杏兒透露將在頒獎禮「休戰」，但睇好郭晉安及佘詩曼稱帝封后。

胡杏兒以一身賽車女郎Look現身電單車展，有型有款。

提到王祖藍在無綫台慶夜求婚，杏兒笑言十分羨慕準新娘李亞男：「我都好感動！（希望第日都收到巨鑽？）呢啲係其次，亦未必會咁公開，最緊要係個男仔嘅心。（點睇台慶收視一般？）公司會諗吓點樣做好啲，況且應該要計埋網上收視。」