馬德鐘及苟芸慧等昨日亮相慈善行山賽，期間約滿無綫的馬德鐘大爆有意合資自組公司；而苟芸慧則透露正練習氣功，「下圍」亦告清減，更獲好友盛讚身形變好！

苟芸慧及馬德鐘結伴出席行山活動，全程有講有笑，十分老友。

梁琤（左起）、苟芸慧及馬德鐘以超大動作做熱身運動，場面搞笑！

馬德鐘（Joe）、苟芸慧（苟姑娘）及梁琤等昨日在西貢出席慈善行山賽，期間Joe自爆有信心無綫劇集《飛虎II》能在頒獎禮奪獎，又指有機會開拍第三輯，若獲邀的話一定會參與演出。提到約滿無綫，Joe直言一直有傾續約，亦有與內地公司斟洽，他透露有意合資自組公司：「仲未定，但有幾個方向同步進行緊。（自組公司投資幾多？）冇一個定額，可能電影方面會做啲嘢，成功嘅話，香港、內地都有公司。（簽藝人？）未有定案。」

自嘲拍劇收得平

提到無綫花旦及小生相繼約滿，問到會否與他們簽約，他笑說：「唔好咁講，我都傾緊可能簽其他公司。（簽胡杏兒？）唔知呀！做咗製作先。」但他表示不急於進行計劃，又將返回內地拍時裝劇，記者即笑言人民幣較好賺，應該很快便可退休，他聞言即指自己收得便宜。

朋友讚身形變靚

而苟姑娘透露平日也會行山及訓練，問到是否為了減肥，她透露正在練氣功，想以中醫方法調理好身體，因她食西藥容易變腫。問到下身清減不少有否獲好友大讚身形變好，她笑說：「有。（上圍縮水？）我冇研究，身體好咗後冇乜要擔心。」又透露稍後會為無綫節目擔任主持，並會練好廣東話。提到有傳李亞男與王祖藍於2月14日在迪士尼舉行婚宴，她說：「幾時佢哋就冇講。（開始傾細節？）好快啫，結婚簽張紙就得。（幾時輪到你？）話唔定喺婚宴遇到啱嘅男仔呢！」