「警鐘胸」Jessica C.（JC）與男友安志杰宣布拍拖後，密密被拍得糖黐豆，非常恩愛。昨日二人在澳門欣賞「金光決戰2」拳王爭霸戰，情到濃時安志杰不禁摸JC大髀，JC亦胸壓男友手臂，非常親暱。

Jessica C.前晚出席啤酒活動時拿着手銬，莫非要鎖男友安志杰？

安志杰與JC挽手看拳賽，反觀同排的前「少時」成員Jessica卻與緋聞男友權寧一隔開坐。

澳門威尼斯人金光綜藝館舉行的「金光決戰2」拳王爭霸戰，座無虛席，場面墟冚。

安志杰與JC拍拖睇拳賽，在藍色燈光下更為浪漫。

伍允龍不做好友安志杰的電燈膽，故與吳建豪齊齊坐。

名模Jessica C.前晚在港出席啤酒活動後，與安志杰漏夜前往澳門，昨晨在澳門威尼斯人金光綜藝館欣賞「金光決戰2」拳王爭霸戰其中菲律賓富貴拳王帕克奧（Manny Pacquiao）一場重頭賽，二人被安排坐在第三排。熱戀中的戀人眼中只有對方，情到濃時安志杰不禁摸JC大髀，行為和態度也非常親暱。

K先生Jessica避忌

比賽期間，JC不時肉緊翹實安志杰，還施胸壓手臂一招冧對方。一小時後趁着中場休息，二人手拖手出外享受二人世界，認真癡纏，其後回來繼續欣賞賽事。其實安志杰好友伍允龍亦有前來，不過為免做電燈膽，非常識趣地與台灣男星吳建豪一齊坐。

世紀拳賽全球矚目，吸引不少名人紅星到場欣賞，其中前少女時代成員Jessica與緋聞男友權寧一（K先生）亦有同來，但兩人顯得非常避忌，由一名男子分隔一個身位坐，而男星吳彥祖、洪天明和老婆周家蔚也有捧場。

聖誕節各有各玩

另外，JC前晚出席啤酒活動時表示最愛喝啤酒，問她酒量如何？她笑說：「我通常叫一支啤酒，但飲到一半塊面就會紅晒，同埋暈暈哋。（安志杰呢？）佢飲得過我，起碼唔會成塊面紅晒先啦！」她又指現在若跟安志杰出外喝酒時，對方可以保護她。此外，問到如何慶祝聖誕節？她說：「我會返芝加哥同屋企人過節。（安志杰一唔一齊？）佢唔會去。（第一個聖誕喎？）係呀！不過一切發生得太快，我哋想慢慢嚟，唔好咁急，享受呢一刻！」