2013年港姐亞軍蔡思貝（Sisley）美貌與智慧並重，最近又曬得一身古銅色肌膚，屬健康開朗少女型，但原來Sisley兩邊眼珠有點不對稱，左眼珠生得偏近中間，樂觀的她沒有因天生「鬥雞」而怨天尤人，反而笑言可利用此缺陷，扮嘢時倍添快感，她又自比韓國女星全智賢：「好似全智賢咁，佢都有少少鬥雞。我覺得鬥雞眼好適合扮演精神病患者或見鬼嘅角色。」她表示曾因「鬥雞」弄出不少笑話，引來演戲對手微言：「有時佢哋鬧我，唔知望我左眼定右眼好。」Sisley又自爆左眼白有「胎記」，其眼睛認真「多災多難」，她說：「我左眼白天生有個啡紅色胎印，好明顯。（拍劇點算？）影近鏡惟有就番角度，自己都會盡量避。」

天生「鬥雞」的蔡思貝整鬥雞眼冇難度。

除鬥雞眼外，蔡思貝扮其他表情一樣掂。