阮兆祥前晚在處男棟篤笑模仿多名圈中人，形象百變！他踢爆曾有女星用化妝間的公用粉撲掃腋下，又取笑嘉賓曾志偉感情生活豐富，實行玩寸娛樂圈！

阮兆祥無懼得失同行，盡談圈中熱話。

久未露面的前港姐鍾淑慧亦是座上客。

擔任嘉賓的志偉慘被圍攻，惟有拉校長落水自保。

祥仔多名圈中好友都有捧場，女友Crystal忙於在後台打點。

祥仔形象百變，即席變身黃偉文大放笑彈。

阮兆祥一連4場《阮兆祥2014硬食博覽棟篤笑》前晚假伊館舉行第二場，不乏捧場客，包括前港姐鍾淑慧、陳百祥（阿叻）、佘詩曼、郭晉安夫婦、錢嘉樂夫婦、洪天明夫婦、陳敏之與老公、關菊英與同性密友周偉利等，祥仔女友Crystal全程在後台打點及招呼朋友。祥仔邀得曾志偉擔任嘉賓，志偉即席聯合阿叻及錢嘉樂上台開Talk。

百變Look寸盡娛圈

處男下海的祥仔施展渾身解數，刻意模仿多名圈中人，如黃子華、韓星金秀賢飾演的「都敏俊」、黃夏蕙及填詞人黃偉文，笑爆全場！他大爆圈中秘密，笑言曾在無綫化妝間巧遇「奇景」：「有個女藝人攞公用粉撲喺胳肋底係咁拍，用完就走咗！」他又盡談圈中熱話，如趙頌茹與周永恒發生家暴、鋒菲復合及黃家強與黃貫中不和。

擔任嘉賓的曾志偉亦難逃毒手，慘遭祥仔及錢嘉樂圍攻，祥仔大膽問志偉的感情事：「第一個結婚對象係咪台灣菜？」志偉抵死笑說：「畀人知嘅就係。」錢嘉樂立即插嘴：「你有冇試過食完唔認數？」腦筋急轉彎的志偉即拖好友譚詠麟落水：「有，不過係譚詠麟！」

祥仔完騷後接受訪問，問到以圈中熱話開Talk，會否怕得罪相關人士？他說：「我改編啲詞都係好客觀，希望做到全面同唔偏頗！」他又透露明年2月約滿無綫：「只有樂易玲搵過我，同無綫合作多年，無綫係優先！」