亞姐紅地氈過往肉光四射，但昨晚卻僅得評判之一的名模Alice B.與經典亞姐羅霖最搶鏡。身穿一襲紫色晚裝的Alice B.露出白滑玉背而成為焦點，問到是否覺得搶去佳麗風頭？她說：「唔會！佢哋都好靚！」對於有指佳麗整容，問到會否扣分？Alice揚言不會：「因為我睇內在美，唔睇外在美！」

Alice B.性感上陣做評判，睇落仲靚過部分佳麗！

羅霖（圖）與房星彤同以低胸示人，美魔女不下於後生女。

房星彤

至於「美魔女」羅霖則以白色Tube Dress示人，輕露事業線，同樣強調並非搶佳麗風頭：「我唔係性感，係高貴大方！」她又自爆已經改名為「羅芊霖」：「個名係媽咪改，因為佢覺得之前個名太男性化，所以改女仔啲！（旺姻緣？）不嬲有！希望一切順利！」而同場的上屆冠軍房星彤亦以Tube Dress示人。