恒生新抱何倍倩（Anina）是新一代的事業型女性，美容生意打理得有聲有色的她，同時亦將三名子女湊得精靈可人，Anina早前與老公到韓國四日共享二人世界，思鄉病發作的她每日也要以視像通訊一解相思之苦：「對龍鳳胎未識講嘢，但大仔一句掛住你，令我心都痛，好想攬住佢哋，我真係好掛住啲仔女！」近期韓風旺盛，Anina到當地旅行的最大原因竟是機程短：「搭幾個鐘頭機就到，唔使搭咁耐機，有乜事可以好快飛返香港！」除滑雪外，她亦希望感受當地的潮流文化，近期愛煲韓劇的她被老公嘲笑升呢做「靚師奶」。問到有否品嘗特色小食？她到了石坡廊大歎傳統韓食，並大讚環境古色古香，她亦有到訪著名燒烤場Samwon Garden，該處小橋流水極有詩意。至於有否瘋狂購物？由於當地天氣寒冷，她突然「褸」癮大發買不停：「我一心想買褸，韓國有好多仿皮草褸都好靚，我買咗好多件褸，搞到爆篋，要買多個篋先夠擺呀！」

Anina在韓國購物街買唔停手，專攻褸款的她更因而買爆篋！

石坡廊的餐廳古色古香，Anina專程到該處大擦傳統韓食。