入秋後皮膚容易變得乾燥，藝人李璧琦（Becky）拍劇拍到唔停手兼密密接主持Job，卻依然Keep住白滑美肌，全因勤去美容院做Facial及對護膚品有心得所致！她說：「呢排轉天氣加上成日做嘢唔夠瞓，對眼乾燥咗，黑眼圈又勁咗。」眼見黑眼圈問題日益嚴重，Becky決定每月到美容院做一次膠原重組緊緻眼部提升療程：「做嘅時候皮膚感覺熱熱哋，活化微絲血管。呢隻Laser係連眼眉都可以打，打完眼皮會緊緻啲！雖然我冇乜眼紋，但係明顯黑眼圈都減淡咗，眼袋仲即刻走番入去呀！」她又推介另一款緊緻面膜：「塊Mask本來白色硬硬哋，好似紙咁樣，用蒸餾水濕咗就會變得透明同貼面！」

塗抹護膚品前，Becky會先以棉花上肌底液。

入秋後眼部肌膚愈見乾燥，Becky每月均會到美容院做機緊緻眼皮。

做完Facial去黑眼圈的Becky當堂靚晒！

回家後Becky亦不敢鬆懈，並會在塗護膚品前先用肌底液：「我好鍾意喺日本買啲護膚品嚟試，呢隻肌底液就令我一試愛上！一定要用棉花上o架。啲人成日話日本人將最好嘅嘢留番畀自己，不過呢隻肌底液啱啱都嚟咗香港。」