無綫邁向48周年台慶，全台出動逾200藝人「賀壽」，送出480萬獎品，場面熱鬧，想不到最終演變成雙喜臨門！王祖藍失驚無神跪地向李亞男求婚，炒熱全場氣氛，令亞男感動落淚，即時首肯！

王祖藍在台上向李亞男求婚，親手戴上戒指，驚喜又感動！

祖藍當眾跪地向亞男講求婚宣言，抵佢娶得美人歸！

阿佘與杏兒排靚位，當然開心。

杏兒

李克勤（右）領唱為台慶賀壽。

陳豪踩兒童三輪車，睇嚟唔多穩陣！

黎耀祥幫手要蕭正楠及阿廉狂咀，翠如睇到笑。

黃翠如

昨晚台慶可謂雙喜臨門！表演環節時王祖藍與李亞男原本被安排「情侶檔」表演魔術，想不到結尾時祖藍突然拿着鮮花跪地求婚：「你話要驚喜求婚，今晚最齊人……我哋喺藝人之家認識，係好唔同嘅人……你係選美冠軍，我係兒童節目主持，我好矮，你好高……無論追你有幾困難都好，娶到你我一生都好幸福！」隨即遞上巨型鑽戒作「信物」，氹到亞男感動落淚首肯，此時祖藍母親及亞男雙親現身送祝福，蔣志光在旁唱《愛是永恆》予一對新人，場面感人。

準新娘唔要有下次

事後祖藍孖住「準王太」亞男接受傳媒訪問及祝福，亞男大叫Surprise﹕「嚇死！真係唔好有下次嘞！（好恨嫁？你除定自己隻戒指喎！）事前真係唔知，但都有準備嘅。」記者笑問亞男是否「等咗好耐」，祖藍搶答：「係我等咗好耐就真，要把握機會呀！」原來他早已安排未來外父、外母提前由加拿大返港送驚喜。而亞男的閨蜜岑麗香、鍾嘉欣及王君馨向準新娘送上擁抱。

另外，黎耀祥率領台慶劇《名門暗戰》拍檔黃浩然、曹永廉、蕭正楠等演出搞笑劇，眾人玩「角色扮演」，戴上假髮扮蔡思貝的蕭正楠與阿廉作勢狂咀，祥仔說：「有冇問過（黃）翠如BB？」將二人戀情擺上枱。對於祖藍求婚，祥仔坦言事前不知情，很感動：「咁咪好囉！第時台慶又係台慶，又係佢求婚紀念日，祖藍喺Live面前求婚，好大膽！」而曹永廉笑說：「你睇吓蕭正楠敢唔敢！」祥仔說：「得啦！我哋出年幫佢搞。」另外，鍾嘉欣與亞男分屬好友，並指於綵排時已知道，但都要呃住對方：「嗰一刻好我感動，見證佢哋做朋友、拍拖，依家開花結果，開心朋友搵到個好歸宿。」

阿佘杏兒排位搶眼

另外，今年大熱視后佘詩曼被安排打頭陣出場，排位更於第一排正中間，可見受重視非常，至於即將與無綫傾談續約的胡杏兒亦獲厚待，企位搶眼度與阿佘不相上下。而黃宗澤被問到前度胡杏兒傳約滿離巢，問到可有勸告？他說：「呢啲高層做喎！我邊有力！」