剛宣布甩拖的胡定欣，昨日與翟威廉到紅磡出席《置富Malls x 樂天熊仔聖誕遊世界啟動禮》，定欣表示已計劃分手後的首個聖誕如何度過：「應該喺廠過，因為拍緊新劇！（約前男友沈栢淳食飯交換禮物？）唔知呢，佢工作都好忙。（有機會復合？）唔知，睇緣分。但有指佢偷食激嬲我，所以分手，唔係事實囉！佢對我非常好，我唔想報道講佢唔好，我都曾經視佢為結婚對象。（對你好又分手？）唔知點講。」她又感慨地說：「其實相愛好講緣分，我三十幾歲人，拍過咁多次拖，有緣先會遇上。（開始接受新追求者？）順其自然，要開工冇時間識男仔。」

定欣預計回復單身後的首個聖誕將會在工作中度過。

定欣離開時嘴扁扁，似未平復心情。

活動結束後，定欣登上七人車離開，但沿途嘴扁扁，似未平復分手傷痛，其後更返回昔日與男友同居的渣甸山愛巢。