歌手官恩娜（Ella）、黎美言（Winkie）及薛家燕等昨日出席嘉年華活動，Ella表示故意穿上5吋高踭鞋及緊身裙以證沒有身孕：「我真係冇呀！但呢排好多人都恭喜我有咗。（會唔會真係想生？）暫時冇呢個計劃喎！因為我啲工作都排到下年喇！」

穿緊身裙的Ella多次強調沒有懷孕。

官恩娜與家燕姐齊齊出席嘉年華活動，有講有笑。

而前晚以露腰性感造型出席活動的Winkie，昨日則穿上親手繪製的長裙，並透露在組合HotCha解散時曾有情緒問題：「我好似完全放棄自己咁，暴飲暴食，又會剪自己啲頭髮。」幸好未有自殘身體，並靠心靈治療書籍解開心病。至於家燕姐則表示看好佘詩曼可奪得視后寶座。