由王祖藍編劇的《老表，你好hea！》一直以重口味作賣點，令觀眾笑破肚皮，即將播出有祖藍「速食」阮小儀，以及郭晉安與萬綺雯的床戲，小儀昨日表示拍攝時要穿上校服扮童真，既要摸手仔又要砌心形石，令她大呻惡心！

祖藍笑言看完與小儀的床戲會令人絕食多日。

祖藍與小儀的床上戲拍了一整個下午。

萬綺雯形容與安仔的床上戲是「輕口味」。

郭晉安

祖藍與女友李亞男出席活動時不忘打情罵俏。

無綫新劇《老表，你好hea！》播出以來收視理想，雖然不乏重口味場面，但仍受觀眾熱捧，劇情更是高潮迭起。繼陳嘉佳（細細粒）與林盛斌 （Bob）咀冧床、蔣志光的《相逢何必曾燒衣》，以及Bob與張繼聰的「裸模」戲份後，即將播出有祖藍「速食」阮小儀及郭晉安與萬綺雯的床戲，單看祖藍與小儀的小個子戀愛，並演繹學生摸手仔已夠頂癮，預料屆時又會成為另一高潮。

着校服扮童真

祖藍昨日與萬綺雯（蚊蚊）等出席該劇宣傳活動時，談及與小儀的床上戲：「好多人話聽蔣志光、韋綺珊《相逢何必曾相識》食飯特別開胃，但睇到Bob同細細粒全部嘔番晒出嚟，咁我同小儀嘅話應該會絕食好多日。（有冇裸露戲？）交畀佢哋啦！之前『handelababy』乜都着過晒，呢次留畀佢哋，阿聰咁好身材，阿Bob咁唔好身材都露，我點夠佢哋！」而小儀接受電話訪問時表示，該場戲拍了一個下午：「着晒校服懶有童真，都有攬同摸手仔，又食雪糕。（有冇滴雪糕落心口？）你睇啦！總之好惡心，仲砌埋心形石添。（咁都弱過Bob同細細粒場戲！）係囉！其實我唔介意，之前都試過同祖藍咀，所以再拍床戲都冇所謂，有邊個咁細粒唔凸隻腳出嚟，一定搵唔到替身，輸畀佢兩個好唔抵囉！」

安仔爭獎平常心

相對祖藍與小儀的「速食」戲份，蚊蚊與安仔的床戲較為平淡，蚊蚊更以「輕口味」形容：「我唔係錫身，只係配合角色性格啫！」安仔出席另一個活動時更爆下周劇情將交代二人結婚，並將當年的婚禮搬上電視：「我着同一套白色西裝，去埋主題樂園搞，搞到我都有少少亂，以為結多次婚。」對於被視為視帝大熱，安仔表示平常心，但認為黎耀祥、王祖藍及吳卓羲均表現出色。