與圈外男友感情穩定的泳兒「戀愛大過天」，一切以愛情行先，連事業也要讓步，但她表示仍未想加入人妻行列。相反羅力威想魚與熊掌兼得，不過大男人的他堅持事業為重！

女大十八變，曾以事業為先的泳兒，坦言現在有情飲水飽。

羅力威展示在電影中象徵自由的圖案，揚言以事業為重。

泳兒與羅力威為電影宣傳活動擔任嘉賓。

泳兒和羅力威昨日出席英皇電影《飢餓遊戲終極篇：自由幻夢》記者會，性感到場的泳兒和包到冚的羅力威相映成趣，露背的泳兒稱非「真空」上陣：「我冇咁大膽，未試過『真空』！」兩人同樣表示是電影的忠實Fans，更想嘗試在極地求生，泳兒笑說：「好多人望我個樣以為我唔得，其實我可以o架，人生係要有呢啲經歷先深刻，最緊要有人陪我瞓就得喇！」

追求共患難

兩人在台上被問到會如何選擇愛情和自由，一向不愛講緋聞的羅力威將問題推給泳兒，反而泳兒大方回答：「如果好鍾意會揀愛情，再一齊去爭取自由，共患難咁！」她更坦言現階段愛情行先：「每個時期都唔一樣，之前覺得工作緊要啲，依家就愛情行先，或者會令工作更多靈感，更有衝勁去做。（心急結婚？）咁又唔係，有咗愛情又唔一定要即刻結婚嘅。」羅力威則說：「其實愛情事業可以一齊享有，不過始終男仔都係做嘢行先，我會以呢個做目標。」

送屋作禮物

最近迷上砌Lego模型的泳兒透露為了砌好作品不眠不休：「我砌咗間屋連花園送畀朋友，嗰時我以為限期前完成唔到，不過一開始咗就停唔到。男友冇幫我手，佢砌四驅車。」