陳法拉昨日與安志杰一起到新蒲崗出席商場活動，剛被踢爆與索模Jessica C.熱戀的安志杰，被追問戀情時顯得怕醜，同場的法拉亦無可避免地被問到舊愛薛世恒，不過她比安志杰大方得多。有報道指薛世恒疑撻着廖碧兒，經常穿梭在美國、內地與香港的法拉笑笑口指冇留意新聞，她說：「其實冇咩點聯絡，大家係朋友，冇見面但係有短訊聯絡！（傾咩？）有時候佢會問吓貓貓啲嘢，互相問候吓咁，我都有Send貓貓啲相畀佢睇。」

法拉與貓貓玩樂，相當開心。

法拉分手後，很少留意薛世恒的新聞。

工作方面，她透露不時到內地工作，問到會否重返TVB拍劇？她說：「之前有人搵過我，不過撞咗期！（會簽部頭？）睇情況啦！不過目前未有計劃，就到時間會拍，想拍啲有挑戰性嘅角色。」