澳門昨日舉行一年一度的格蘭披治大賽，不少藝人慕名捧場，而古天樂、余文樂與吳奇隆擔任頒獎嘉賓，劉浩龍、莊思敏及女子組合As One則先後現身睇賽事，場面熱鬧。與劉詩詩打得火熱的奇隆到場時即被一班性感賽車女郎包圍，多次走近與型男合照，搞到他靦腆非常，更向記者「投訴」﹕「好唔慣呀！（鍾意賽車？）以前喺台灣鬥過車，依家唔會喇！」逗留約一小時便離開。而近年先後參加上海及珠海賽車的莊思敏特意捧朋友場，可惜對方在排位賽時因機件故障而退出。

吳奇隆被大班賽車女郎包圍合照，搞到他硬晒軚！

吳奇隆（前排左起）、古天樂與余文樂頒獎畀得獎車手。