歌手鄭俊弘昨日舉行簽唱會，憑着專輯《熊貓的故事》成為「熊」人的他，唱片銷量達到金唱片數字，獲老闆頒發金唱片！得寵的Fred更獲老闆答應於紅館開演唱會！

唱片銷量報捷，Fred喜獲金唱片！

有Fred親自餵飲湯，粉絲冧爆！

身穿聖誕裝的小朋友非常可愛，逗得Fred四萬咁口！

Fred的家人現身撐場。

鄭俊弘（Fred）昨日舉行專輯《熊貓的故事》簽唱會，不時在台上跟歌迷互動，更餵幸運粉絲飲湯和合照，羨慕死人！星夢唱片公司CEO何哲圖、婆婆和阿姨都到場支持，令他十分開心，活動期間大會宣布他的專輯銷量已達金唱片數字，老闆更在台上頒發金唱片給他！

與家人粉絲慶祝

對於奪得金唱片，Fred說：「好感動、好開心！隔咗咁多年終於有得做歌手，仲要有咁嘅成就。（點答謝粉絲？）希望遲啲開Party同大家慶祝，（自己點慶祝？）會同屋企人食飯，因為婆婆就嚟飛返加拿大，呢兩晚想多啲陪佢。」在旁的老闆何哲圖說：「好滿意Fred第一隻碟，依家籌備緊佢嘅新碟，積極揀緊歌。（有否入紙紅館開演唱會？）依家度緊2015年開，等遲啲過咗頒獎典禮會再公布。」Fred表示在紅館開演唱會是其夢想，雖有壓力，但會開心接受挑戰。

平常心爭新人獎

至於問到有否信心奪新人獎？Fred說：「一半一半，過往一年自問好努力，每首歌都用晒全部心機，但有冇獎都好，會以平常心對待。」在旁的老闆又再大讚Fred：「今年係佢音樂事業好完整嘅一年，出嚟嘅效果好好。」老闆如此錫自己，會否很大壓力？Fred謙虛的說：「我會盡力做到最好，多謝老闆同各位同事嘅幫忙。」最後他表示聖誕將會忙於工作。