父親曾經營唱片公司的鄭中基，原來早年也有於台灣投資唱片製作，惟多番被要求以低價接Job，最終令Ronald蝕本200多萬兼執笠收場，但他未有放棄，近期還有意投資一部以歌曲為主的電影。

見過鬼唔怕黑，Ronald透露仍有意再投資演藝事業。

單身的DaDa呼籲香港男士放膽追求。

DaDa喜獲主辦單位送贈模型。

鄭中基（Ronald）與陳靜（DaDa）昨日出席「EVA EXPO新世紀福音戰士展2.0」揭幕展，席間分享了年輕人應有的生活及工作態度，自嘲投資生意最不在行的Ronald，透露曾於台灣開設唱片製作公司，但最終蝕到入肉離場。

當時為省靚招牌，Ronald買下最好的器材，出來效果的確不錯，他說：「一分錢一分貨嘛！但個個都叫最好收平啲，條數Cover唔到，雖然都知係冇咁快回本，但真係蝕得好緊要，最終蝕咗200幾萬，執埋笠添！（會唔會驚咗唔再投資？）都有，最近睇咗套《Begin Again》（一切從音樂開始），好想搞一部多歌嘅電影，同編劇都傾過，佢叫我寫咗歌先，所以都係出年先。」

2月停工做湊仔公

由於細仔將於明年2月出世，屆時他會全天候陪伴太太，故在此之前會先完成手頭上的工作，與杜汶澤將合作拍攝純港片的他，笑言將大玩懷舊，欲拍攝出當年邵氏作品的風格，為了讓編劇自由發揮，Ronald更將放棄內地市場。

DaDa歡迎港男追求

而DaDa亦表示有意投資美容及餐廳生意，問到與上海籍追求者發展如何？DaDa坦言現時仍是單身，暫不想了解對方，更說：「真係太遠，溝通唔到，所以都係搵番香港男仔（可惜？）係呀！朋友囉！其實都冇開始過，但依家都Keep住聯絡，但就冇呢個心情，變咗質！」她更放風說歡迎香港男士追求。