胡定欣昨日首度承認與盛傳結婚的有米男友沈栢淳已分手！講起「分」訊時落晒形的她揚言現時專心工作，似對愛情有所保留。

甩拖的胡定欣（左）與陳凱琳玩到癲，陳凱琳更玩到忘形露肉！

沈栢淳

蔡思貝俯身玩遊戲，同樣玩得投入。

有機會爭奪視帝的蕭正楠（左）與黎耀祥先來一場前哨戰！

昨日一班《名門暗戰》演員包括胡定欣、黎耀祥、蕭正楠（Edwin）、陳凱琳及蔡思貝等到鑽石山展開宣傳，甩拖的定欣雖然玩得投入兼被現場觀眾投選為「我最喜愛女同事」，但仍難掩與拍拖兩年多的廣告界有米男友沈栢淳甩拖之痛。

寄情工作療傷

記得定欣月前仍甜絲絲地分享男友讚她有日本妹Feel，還送花為她慶生，如今花已謝，手已分，她落寞地說：「唔想喺傳媒面前交代原因，感情事唔係一句『性格不合』就形容到！兩個人相愛，認真拍拖，我哋知就得。（又話你哋出年結婚？）係報道咁講！一路冇咁嘅打算。喺埋一齊兩年幾，分開係有少少唔開心，但仍然係朋友。（圈中好姊妹有冇安慰你？）我唔開心，佢哋一定喺我身邊！（叫佢哋介紹男仔你識？）唔喇！需要休息吓，畀心機做嘢先！」

曾傳明年嫁得

2012年10月，胡定欣被踢爆與廣告公司創作總監沈栢淳拍拖，遊船河兼賀女友生日外，更雙雙返男家密會，定欣亦大方承戀情兼見男友家長。其後有傳男友另有新歡兼冷戰，但她仍認定是結婚對象及將於明年結婚，想不到最後驚爆的是「分」訊。

至於蜜運中的Edwin被問到女友黃翠如如何評價他與蔡思貝的激咀戲，他說：「我唔敢問佢，希望佢冇睇！（備案？）大家係演員會明白。（佢拍咀戲你照睇？）未必！費事睇完心火盛！」祥仔被問對新劇收視期望時強調，難與《巾幗梟雄》相比：「依家觀眾睇劇習慣變咗，多數上網睇。」