o靚模崔碧珈與藝人林芊妤（Coffee）昨日出席電影開鏡儀式時互晒「胸器」，崔碧珈騷出5吋事業線鍊贏一眾女星，而「一廁成名」的Coffee再被擺上枱，加插一段為王宗堯在廁格口交的場面，讓觀眾在銀幕上重溫「殘廁事件」！

崔碧珈穿超低胸背心裙出席開鏡儀式，一撥秀髮意態撩人！

王宗堯（左）與凸肚張建聲夾實Coffee合照。

郭奕芯「峰」頭明顯輸畀崔碧珈。

三美「Big」住排排企大合照，壯觀！

蕭定一與一眾演員進行切燒豬儀式。

藝人張建聲、王宗堯、崔碧珈、林芊妤（Coffee）及郭奕芯等昨日到西貢為電影《壹獄壹世界》舉行開鏡儀式，一眾男星穿囚服示人，只有王宗堯繼續做型男着潮服，而崔碧珈、Coffee、郭奕芯及韓模Yuni則鬥晒身材！

崔碧珈以緊身粉紅背心裙露出5吋事業線成為焦點，她透露在戲中有自摸場面，又與王宗堯「激戰」：「同宗堯溝通好晒，互相配合！（佢摸你？）互摸啦！拍嗰時我引佢，又捉佢隻手摸我！」而因「殘廁事件」遭無綫解約的Coffee，今次在新戲中被重提往事，加插一幕在廁格為王宗堯口交的激情戲！問到會否覺得劇組故意重演醜聞？她說：「應該唔係特登！（會介意？）如果畀過去嘅事影響，係可悲嘅事，把口生喺人哋度，人哋點諗冇辦法，做人最緊要對得住天地良心！」她又指有場戲要隔着鐵欄與王宗堯翻雲覆雨。

200磅張建聲贏「凸」

為電影增肥55磅的張建聲凸出大肚腩，更即席上磅，體重達203磅！他表示拍畢電影後要極速減肥，打算在肚皮塗上去橙皮紋的護膚霜，當聽到應該在增肥初期開始塗時，他嚇得目瞪口呆：「吓？咁點算！依家仲趕唔趕得切？」問到大肚腩能否撼贏谷出五吋事業線的崔碧珈？他即說：「咁要問王宗堯啦！」暗指對方在戲中摸過崔碧珈的雙峰，王宗堯聞言即出手揸他的大肚腩並笑說：「你贏！」

小宗堯無力抽水

王宗堯在戲中與崔碧珈、Coffee及郭奕芯均有激情戲，問到三女不同之處，他說：「Coffee練瑜伽，崔碧珈有曲線美，郭奕芯夠嫩口！」至於會否擔心被指抽Coffee水？他說：「Coffee摸到小宗堯，唔通小宗堯抽佢水？」同場的廖啟智則表示拍攝以來都困在監倉，未與一眾女星做對手戲。

而老闆蕭定一澄清，新電影《十月初五的月光》的男主角張智霖與導演葉念琛並無不和：「佢哋太熟，唔熟嘅人將佢哋講笑當認真，呢啲叫合則不敬！」又指張智霖對劇本提出意見，若是好建議則應接受。