藝人董敏莉（Monie）自認是貪靚鬼，每朝出門例必化個靚妝，近月更愛上圓筒形胭脂，她說：「胭脂喺埋個掃入面，打開就用得，啲粉會喺中間滲到個掃頭。」她激讚產品方便又易攜帶：「好似迷你電筒咁，兩隻手指咁大，最方便係可以攝褲袋，有時做嘢唔使帶太多嘢。」問到是否經常化妝？Monie笑言是每日例行公事：「雖然只係返電台，但都唔想嚇大家，如果出席公開活動，好多時都係自己化。（熟能生巧？）係啊！依家化妝快咗好多。」Monie又強調護膚最重要，隔日便要敷面膜及美白，雖然要花很多時間，但絕不可以懶，而不時生暗瘡的她還以專家口脗說：「千其唔好搵嘢封住佢，咁樣只會令佢冇氣抖，愈變愈大。」

董敏莉指胭脂藏入掃中，一打開便用得，出街最方便！

董敏莉笑言不想嚇親同事，化妝成為每日必不可少的工作。