三大名模馬詩慧、周汶錡及黃佩霞因為貪靚，試飲冷壓蔬果汁新式減肥法，時下流行飲冷壓蔬果汁，採用水壓果汁機以冷壓法榨汁的做法，無加防腐劑及添加劑，除保留蔬果最高養分，亦降低食物接觸高溫及空氣的機會，每天飲用六杯代替進餐，任何蔬果皆可，每次療程連續飲用三至五天，有助身體排毒，其後可回復正常飲食。馬詩慧笑說：「畀你3日冇食嘢都會瘦，我試咗3日，淨係飲果汁，乜都冇食，瘦咗少少，平時食得太多化學嘢，間中排吓毒我覺得OK，唔使下下去洗腸嘛！（你忍得口唔食嘢？）其實第二晚我已經忍唔住見暈，偷食少少餅乾，哈哈！」黃佩霞坦言做過白老鼠，指不用空着肚子，都可以吃蔬菜和紅蘿蔔，馬詩慧聞言即笑說：「我唔太食紅蘿蔔，好似白兔咁，我仲叻到禁食第一日就約成班朋友食日本菜，我帶埋支果汁去，你有你食，我有我飲，哈哈！」

黃佩霞（左起）、馬詩慧及周汶錡齊齊做瑜伽減肥。