林盛斌和張繼聰在《老表，你好hea！》中瞓身爭「男配」成為熱話，但劇中另一演員蔣志光亦不容忽視，戲份雖然比二人少，但卻憑其經典歌曲《相逢何必曾相識》改編的《相逢何必曾燒衣》而爆紅，隨時成為兩位「男配」候選之威脅對手。由於個人效應爆出，蔣志光亦打破低調，改變初衷出席今年台慶活動，為個人或劇集宣傳。不過，可惜實質的回報，他卻未能享受，因為下星期將要前往橫店和無錫拍無綫新劇《張保仔》外景，故因爆紅而湧埋身的賺錢活動，他全都不能接演，有錢都冇機會賺，就連《老表》的結局飯亦不能出席而大表遺憾。

蔣志光在劇中唱的《相逢何必曾燒衣》近日Hit爆！

張致恒與許靖韻（圖）邀吳剛拍MV，吳剛師傅即場耍番套拳。

吳剛

另外，歌手張致恒（Steven）及許靖韻（Angela）翻唱《相逢何必曾相識》，昨日他們以懷舊造型在殯儀店外為歌曲拍MV，邀得吳剛師傅及吳麗珠客串。問到會否怕與原唱比較？Steven說：「唔可以因為壓力而唔做，加上冇評論唔會有進步。」談到錄音時有否想起周星馳在電影所唱的版本，他說：「我錄嗰陣都畀人話唱腔唔好咁舊。」吳麗珠被問到好友司馬燕的病情，她說：「有同佢老公聯絡，佢情況穩定，係有啲攰。」