陳凱琳練戲喊乾眼淚

前港姐陳凱琳（Grace）、黃浩然及黎耀祥（祥仔）等昨日錄影無綫J2節目《Big Boys Club》，凱琳大爆為新劇《名門暗戰》「閉關」練喊：「我喺屋企練喊練到眼淚都乾埋，好驚到現場喊唔出！」浩然大讚她演技自然，問到劇中演情侶的二人有否咀戲？「口花花」的浩然笑指痛失機會：「我唯一同Grace冇（咀戲），本來有第二次機會係《張保仔》，但益咗洪永城！」忙於演舞台劇的祥仔則自爆「留期」練習台慶表演：「我停演兩日舞台劇，用嚟排練。（表演趣劇？）希望同新劇《名門暗戰》班底齊齊做！」而曹永廉則透露會於新劇《公公出宮》寸爆外父姜大偉，更笑言很擔心外父秋後算帳。