莊思敏（Jacquelin）早前與妹妹莊思明及王子涵一班好友，到沙田馬場出席莎莎婦女銀袋日活動，為求舒適地欣賞賽事及享受假期，Jacquelin特地包了一間廂房，一行人邊品嘗美食邊收看電視直播。是次亦有下注測試運氣的她走出看台時，吸引不少人上前集郵，更被中外男士左右夾攻，親民的她亦來者不拒。Jacquelin指每次入馬場均會買馬：「因為身邊好多人會畀好多貼士，我會忍唔住買，都係買十蚊廿蚊，最多一、二百蚊玩吓！我會睇到好肉緊，輸咗都會搣飛。我覺得自己其實冇咩賭運，最叻嗰次係同朋友夾份，爆大冷二百蚊贏咗八千蚊！」

靚女莊思敏在看台現身，即吸引中外男子圍住集郵。