張敬軒昨日化上流淚妝出席頒獎禮記者會，專業的他自備私家咪及私家櫈，對於師弟羅力威日前在活動上因「坐位」太側發老脾，軒仔抵死地笑指對方遇上每月「唔方便」日子，笑翻全場！

大師兄上身的軒仔（圖）寸羅力威每個月總有幾日唔方便，令全場爆笑。

羅力威

王菀之睇好軒仔拎男歌手獎，夠晒抵錫啦！

許廷鏗（左）與鄭俊弘老友鬼鬼，以行動粉碎不和傳聞。

張敬軒、王菀之（Ivana）、許廷鏗、鄭俊弘、組合Super Girls、許志安、衞蘭、方皓玟、官恩娜及連詩雅等昨日分別出席兩場叱咤頒獎禮記者會，一身黑Look配流淚妝的軒仔最搶鏡，他坦言對男歌手獎欠信心：「歌曲獎就有機會，男歌手獎應該五甲不入！」

Ivana賣口乖最抵錫

他反而睇好周柏豪及羅力威奪歌手獎：「佢哋大機會！（唔怪得羅力威日前發脾氣？）大家唔知，佢每個月都有唔方便日子！」身旁的過氣緋聞女友Ivana卻睇好軒仔是男歌手大熱，軒仔即扮錫錫說：「真係抵錫！（唔睇好容祖兒攞女歌手？）補番飛先，好多國際頒獎禮都雙冠軍！」

許廷鏗唔認大師兄

有傳許廷鏗因不滿公司力捧「宿敵」鄭俊弘而決定離巢，但他倆齊齊受訪似用行動粉碎傳言，可是許廷鏗說：「我同佢唔同期，佢係新人，我已經唔係！」被取笑是大師兄的他尷尬地說：「唔係，我命格啱冬天出唱片！」而鄭俊弘則會以平常心出席頒獎禮。