初代宅男女神楊穎以「Angelababy」成名，如今卻被內地茶葉商「抽水」，黃國桐律師對此表示Baby並無追究權利：「香港唔會畀佢咁樣註冊個字，商標一定要成個形態，如果你註冊個字咁人哋咪唔用得？『Angelababy』可以好多人用呢個名o架喎，我又唔覺得個名淨係佢可以用，個名點會係版權！佢本身係演藝界，茶葉同佢又冇關係，都唔係嗰個行業。如果你改咗個名，搞到全世界唔用得？我就覺得冇可能囉！」
