羅力威自上次出席記者會坐死角黑面後，前晚再次出席新城活動，向來心直口快的威威態度180度轉變，坦言對事件沒有補充，又說：「男人大丈夫，講完就算數。」又暗示曾被公司「照肺」，以後會學識聽聽話話！

與許靖韻一起出席活動的威威表示日後會聽話。

Kary希望在沙灘開騷，更願意穿比堅尼上陣。

刮傷腳的Winkie黐上膠布（紅圈）繼續表演。

韓國組合Two X在台上勁歌熱舞。

新城黑面

歌手吳雨霏（Kary）、羅力威、許靖韻、AGA、Gin Lee、J.Arie、黎美言（Winkie）、謝偉倫、組合Soler、天堂鳥及韓國組合Two X、N-Sonic等，前晚在屯門黃金海岸參加新城舉辦的沙灘派對，馬拉松式勁歌熱舞，期間Winkie更搏過頭刮傷腳。

唔使用緋聞宣傳

早前在新城勁爆記者會中因被安排坐死角而發火的威威，前晚全程心情輕鬆，不過對「死角事件」卻不願多說，更揚言沒有感到尷尬：「上次有嗰句講嗰句啫！男人嘅嘢講咗就算數。（驚得罪新城？）唔覺得有咩，上次件事冇咩補充，我都係做番自己，講完就算。」他又表示事件沒有下文，無謂因為活動中的「唔知咩人」而耿耿於懷。

至於有否因而被公司「再教育」？看似有口難言的威威暗示曾被公司「照肺」，他說：「公司長久以來都有佢哋嘅規矩，呢兩三年簽咗羅力威返嚟係幾特別，大家再磨合磨合啦！我都會繼續去學識聽話。」威威又笑言今次事件令曝光率增加，記者笑指與緋聞女友雨僑合照便可「見報」，他說：「我唔使用緋聞宣傳自己，呢啲留番畀其他人。」

Kary願着比堅尼

同場的Kary則表示希望在沙灘開個唱，若氣氛理想，更願意以比堅尼上陣。近期與「網球王子」洪立熙復合的她亦Sweet爆表示對方比她成熟：「大家都有一個共識。（放大家喺第一位？）都係，始終咁多年後再一齊番，係一種緣分，大家都會珍惜。」