無綫視帝、視后即將誕生，小生、花旦拉票作最後衝刺，鍾嘉欣被傳不續約及退出幕前，被指以退為進博攞獎。昨日鍾嘉欣、林海峰及周汶錡等擔任時裝店開幕活動特別嘉賓，鍾嘉欣否認退出，並透露與無綫還有幾年合約：「我唔係有計謀、有招數嘅人，喺公司十年，好開心，希望事業更上一層樓！（係咪攞咗視后先結婚？）又唔係，視后隨緣，結婚生仔講Timing，生BB前仲有好多嘢想做。（與男友有共識？）我係有共識嘅人。（結婚後再做都得？）如果結咗婚未必百分百投入到。」問到面上長了不少粒粒，她解釋是練氣功排毒所致。

鍾嘉欣面上長了不少粒粒，原來是練氣功排毒所致。

周汶錡看到林海峰刻意企高兩級，即時忍唔住笑！

而周汶錡被追問生B，她說：「由年頭畀人問到年尾，你見我個肚咁扁就知，我會努力。（人工受孕？）會再努力啲，如果時間唔許可都會試。（催妹妹周麗淇結婚？）你哋快啲催吓佢，佢男友（徐正曦）好好，好Sweet、好有禮貌、又高大，兩個都好襯。」