藝員周志文、周志康、翟威廉及羅鈞滿等昨日排練台慶表演項目花式籃球及疊羅漢，原來細孖周志康已在年中與拍拖七年的圈外女友盧芷茵秘密註冊：「想低調啲，唔諗住擺酒。（奉子成婚？）唔係，我好傳統，同埋都拍咗拖七年，都想早啲結婚生仔。（去邊度蜜月？）冇話去邊，我哋成日去旅行，之前去咗台灣。（驚唔驚Fans唔鍾意？）佢哋唔介意，佢哋都鍾意好老婆。」至於大孖周志文則羨慕細佬有幸福婚姻。談到綵排疊羅漢，周氏兄弟說：「以前睇電視以為好易，到自己做先知難，要出盡全身力，腳都震埋！」

已做「老襯」的周志康風騷練波！

羅鈞滿「領軍」玩花式，唔知係咪想扮千手觀音……兵呢？