何佩瑜（Jeana）：不嬲都鍾意碧咸，我細細個就聽過呢個名，知道佢嚟咗香港，仲落咗去荔枝角，勁多Friend叫我落去追星，不過我要開工，所以去唔到，唔緊要啦！希望佢可以快啲再嚟，下次一定要集佢郵！

何佩瑜（Jeana）

高海寧

苟芸慧

高海寧：我都係佢Fans，如果畀我喺香港街道見到佢，我都會禮貌上前希望同佢影張合照。以前做南非世界盃時都見過佢，當時我做緊嘢，而佢就坐喺場邊睇波，冇機會影相。（可惜？）咁我都算同佢同一時空出現過呀！

苟芸慧：我都喺Facebook見到，未知真定假，如果見到佢一定會捉住佢影相，點會放過，佢真係靚仔！而且佢係一個好顧家嘅男人，男人顧家係最吸引。上次喺香港我都見過傑斯（Ryan Giggs）。

馬國明：我知佢嚟咗香港，朋友都有Send啲相畀我睇，見到佢我當然希望同佢影合照，但未有機會見過佢真人。（仲想見邊個球星？）我想見吓加里夫巴利（Gareth Bale）同傑斯。