日前傳與澳洲超模Miranda Kerr撻着的荷里活型男湯告魯斯（Tom Cruise），再被傳媒指與助手Emily日久生情，工作完畢後還相約晚膳撐枱腳。

荷里活影星「靚佬湯」湯告魯斯兩年前與女星姬蒂賀姆絲（Katie Holmes）離婚後，曾與麻煩女星蘭茜露漢（Lindsay Lohan）、奧斯卡影后珊迪娜布洛（Sandra Bullock）及超模Miranda Kerr傳緋聞。不過，據美國雜誌《UsWeekly》前日報道，指52歲的「靚佬湯」在世界各地拍攝新片《職業特工隊5》（Mission：Impossible 5）期間，勁冧22歲女助手Emily。Emily外形似足學生妹，兩人在英國片場更被影到手腕戴着同款手繩，雖然未知是否定情信物，但就肯定Emily唔止助手咁簡單。

僅比養女大1歲

身邊人爆料指「靚佬湯」經常與Emily打情罵俏，片場很多人都知道他對Emily嗒晒糖，而靚佬湯日前出街時更是春風滿面。據知「靚佬湯」收工後會主動約Emily吃晚餐撐枱腳，雖然兩人年齡足足相距30年，而Emily更僅比「靚佬湯」與第二任前妻女星妮歌潔曼（Nicole Kidman）共同撫養的養女伊莎貝拉（Isabella）年長1歲。不過，一向鍾情於「長髮粗眉女」的「靚佬湯」，年齡似乎對他完全不是問題。