黃榕昨日谷胸與「綠魔」Karl在元朗為開幕活動擔任剪綵嘉賓。問到有否計劃投資做生意，黃榕自嘲「好蠢」不適合，並自爆日前獨自到澳洲登台時不斷迷路，在上海酒吧登台更被騙子「走數」：「我諗住個經紀過幾日會過錢畀我，但走咗數！」盛傳與無綫奀星魏焌皓甩拖的她，提到感情上是否「好蠢」？她表示對男人信心盡失：「我好驚愛情，人生不斷畀男人呃，諗番都喊。就算姊妹叫我唔好差隻腳落去，我都會幫對方講好說話！」有傳內地歌手劉漢兆向她發力狂追，同場的Karl爆料指劉漢兆以魔術出冧招，黃榕只透露與對方「啱傾」，但卻大放追求貼士：「我鍾意大隻、靚仔、氹我開心！講甜言蜜語我最冧！（典型騙子條件？）但我又唔鍾意好悶嘅西裝友。」

雖然黃榕經歷感情創傷，但現時有劉漢兆力追，似乎好快有着落！