剛完成演唱會的張敬軒，日前在助手陪同下到中環名店掃貨獎勵自己，身穿T恤、牛仔褲的軒仔，進入名店後即獲熱情款待，期間睇完外套又睇恤衫，賺了不少的軒仔，揀衫完全不看價錢，睇啱就入試身室試穿。逗留短短20分鐘，他已買了不少靚衫，估計埋單數萬元，認真豪氣！付款時，軒仔竟然口花花撩女店員傾偈，氹得對方全程笑咪咪，他亦笑到四萬咁口，未知其密友關智斌可會呷醋呢？

張敬軒撩女店員傾偈，笑得好開心喎！

張敬軒花數萬元買靚衫，出手認真闊綽。