《軒尼詩炫音之樂2014》前晚假亞洲國際博覽館圓滿舉行，雲集各地的歌手包括台灣歌姬A-Lin、英國唱作歌手Tom Odell、韓國組合Lucky J，香港則有官恩娜（Ella）、林奕匡作代表，音樂會吸引一眾藝人捧場，包括江若琳及方皓玟等，十分熱鬧，其中壓軸出場的A-Lin現身時更獲得最多歡呼聲。而當時仍未宣布婚訊的Ella，已心情靚爆，更以貼身短裙出席活動，不經意露出幸福之情！

方皓玟的髮型、妝容及笑容都咁似官恩娜（左），難怪被指撞樣！

官恩娜、林奕匡及Lucky J在台上落力獻唱。

江若琳避談與前公司的合約糾紛。

A-Lin大露背登場，Sing色俱全。

穿低胸裙的方皓玟近日被指樣貌大變化，跟Ella撞樣，但「兩姊妹」亦不避嫌合照，更互笠高帽，方皓玟說：「話我似Ella賺咗呀！（有冇整容？）冇錢整容，攞晒嚟交租，大家可以喺我哋張相搵錯處。（覺得跟Ella有咩唔同？）我個人粗魯啲。」而Ella則覺得不似樣：「佢靚過我，我個樣唔係好精緻啫！（有冇整容？）我全天然o架！只係箍咗少少牙，阿媽生我出嚟就咁嘅樣，我好滿意！」她透露面癱問題已痊愈得九成九，問到醫生男友是否很開心？她說：「佢冇乜擔心我喎！醫生覺得好小事啫！」而江若琳表示為了跟舊公司打官司，近來不斷往返中港兩地工作賺錢，又自爆每月花上六位數字的律師費。