Ella於2009年邂逅比她細三歲的中法混血醫生Domingo，拍拖近六年，有傳他們是在Speed Dating認識，不過她昨日澄清：「我哋喺工作場合認識，我冇參加過任何Speed Dating，但依家都結婚，覺得好感恩，因為我覺得搵到個兩情相悅嘅人非常之難！」

Domingo是外科醫生，雖然被指冇樓又冇車，但父親從事珠寶生意的富家女Ella有情飲水飽，還不時充當對方的「柴可夫司機」，兩人前年被拍得一同買日用品再一齊返女方家，同居傳聞甚囂塵上，不過當時女方否認。其實Ella不乏裙下之臣，但Domingo憑溫柔體貼兼多次與她患難見真情，得以箍實其芳心！去年Ella暈倒浴缸，Domingo立即前往營救，而她有腰傷的時候，Domingo亦孭她去食飯，及至Ella早前患上「貝爾氏綜合症」令右邊面癱，男友貼心餵食，令Ella大為感動，這段姊弟戀能開花結果真是可喜可賀！