主演新片《屍城》的性感女神Jessica C.（JC）日前精心打扮出席萬聖節派對，勁谷「警鐘胸」的她向《東網》ontv 表示參考了《黑魔后》的造型：「我呢身裝扮係參考咗安祖蓮娜祖莉嘅《黑魔后》造型，我今晚係Queen（王后）！（性感夜蒲，唔驚蝕底？）唔驚，有安志杰同伍允龍兩位強壯嘅男士保護我，我係Queen（王后）嚟o架嘛！當然有人保護。」有安志杰及伍允龍護花，難怪JC無懼蝕底。

JC以性感「黑魔后」造型現身，相當搶鏡！

JC笑言有安志杰（左）及伍允龍護花，可以放心夜蒲。