張美妮已貴為人妻，又要兼顧演藝事業及做老闆娘，處理餐廳和髮型屋生意，她說：「之前拍完劇，最近忙緊登台、綜藝節目，之前太忙，我老公都詐晒型！呢排就可以陪佢多啲！我覺得真係要好識分配時間，家庭同事業都要兼顧到！而且我最近開始學畫畫，覺得多咗樣自己新嘅興趣，得閒就畫吓，覺得好Relax，見到自己作品慢慢進步，又會好有成功感！」

張美妮凡事親力親為，閒時到老公舖頭幫忙。

張美妮要兼顧演藝事業及做老闆娘，處理餐廳和髮型屋生意。

作為公眾人物的美妮，卻完全冇架子，對生意親力親為：「我都會成日落嚟睇吓場，先真真正正知爸爸之前開餐廳，同埋老公開髮型屋嘅辛苦，知道做生意唔係咁簡單！所以好多謝老公幫手，我就得閒會幫手做吓宣傳！正正因為自己落手落腳參與，先真係知道點體諒身邊嘅人！」