前華姐朱璇連日於電視城開工，受訪時High爆透露日前首度前往倫敦拍攝《衝上雲霄》電影版：「我好緊張！（周圍玩？）最想睇歌劇，會留低一、兩日，趁機去睇名勝古蹟！（血拼掃貨？）我唔鍾意Shopping，寧願搵間餐廳坐低Tea一Tea！」

朱璇自言正努力減磅，希望以最Fit身形同Chilam拍泳衣戲。

她又自爆於戲中會飾演萬人迷張智霖（Chilam）的空姐前女友，問到會否怕被「電暈」？她笑言好驚NG：「戲中我會同佢（張智霖）喺海邊分手！（泳衣上陣？）一件頭泳衣，我減緊磅，希望到時線條會靚啲！其實好多男演員例如古天樂等都未合作過，好驚NG同表現唔夠好！」