林盛斌（Bob）在新劇奪去拍檔陳嘉佳（細細粒）的初吻，「開心」的他笑指對方吻技純熟。他感激無綫的悉心栽培，並視許紹雄為學習對象，希望能同時「雙線發展」喜劇及正劇。

自認外表「趣致」的Bob經常努力塑造不同造型，為觀眾帶來新鮮感。

Bob與細細粒在劇中激吻，由床頭錫到床尾！

Bob的金正恩造恩非常爆笑，曾引起城中熱話！

林盛斌於無綫台慶劇《老表，你好hea!》內飾演「老實男」，被萬綺雯拒婚後為追求「初戀感覺」，與細細粒共墮愛河，導演安排二人拍攝吻戲，挑戰電視史上最長的接吻場面！Bob笑說：「我哋由床頭錫到床尾，由一間房咀到另一間房，拍攝時間可能仲長過當年周潤發同鄭裕玲喺《網中人》嘅激吻。咀得咁落力當然希望觀眾留下深刻印象，我就因為咁攞咗細細粒人生嘅『第一次』。（佢咀得生硬？）咁又冇喎，佢仲識就位，好感恩一Take過完成囉！」

Bob坦承「老表」系列為他的事業開拓另一個里程碑，更令他明白何謂「戲癮」﹕「本來年尾仲有另一部劇搵我，但檔期唔得，我惟有利用呢段時間好好裝備吓，好明白『機會係留畀有準備嘅人』。我唔係專業演戲出身，形體動作當然比唔上王祖藍同張繼聰，不過會視許紹雄為學習對象，佢搞笑又得，劇情片同樣吸睛，佢喺《使徒行者》嘅效應真係好勁。」

剃光頭非因脫髮

Bob明白他的樣子比較「趣致」，所以拍劇角色造型一直落足心機：「我會加個假髮，換個眼鏡，畀觀眾睇到同平日唔同嘅Bob。」不說不知道，原來他剃光頭並非因脫髮所致：「我大學開始已經將頭髮剪到好短，最主要係覺得自己長頭髮唔好睇咋！」看來喜劇演員也很愛美！