方中信太太莫可欣近日於清水灣出席慈善活動，問到久未露面的她於假日何以未與女兒符珈晴同行？她說囡囡正忙於「加操」功課：「佢啱啱升一年級，我驚佢心散，所以每日畀功課幫佢練中文同數學。（放假仲做額外功課咁乖？）係，學校老師都鍾意佢，讚佢畫畫靚同寫詩叻！」

莫可欣同老公方中信未有計劃「造Ｂ仔」。

可欣又「抱怨」忙於拍劇的老公只顧在家「狂刨」劇本，未有與囡囡出遊散心。問到方中信可有「氹番」她？可欣「甜絲絲」表示獲老公下「任買令」：「佢之前趕返嚟陪我過生日，（禮物？）送咗新電話。佢月尾去法國，叫我可以開購物清單畀佢！」談到會否追生Ｂ仔？可欣說：「我年紀唔細，順其自然啦！」