薛凱琪（Fiona）盛裝出席尖東亮燈儀式，她透露每年都會帶同父母睇燈飾，但未試過與男朋友欣賞，她說：「睇燈飾好浪漫，不過未試過同男朋友睇，撞唔啱時間。」Fiona近年不時為自己歌曲MV執導，日前終獲北京一個微電影節賞識，力邀她為新歌《最後最後》拍攝的微電影參展，她開心地說：「大會話睇完新歌微電影好鍾意，所以打去公司叫我參與。」她笑言終於對公司有個交代：「因為我問公司攞咗幾十萬去拍，終於交到成績，Paco（黃柏高）都有讚。」問到會否叫Paco開戲給她執導？她說：「遲啲，依家做緊國語碟同傾緊戲，我係完美主義者，想每樣嘢都做得好。」

活動期間Fiona落力演唱，非常投入。