昨日35歲生日的胡杏兒，向來人緣極佳，前晚一眾好友鄭嘉穎、鍾嘉欣、陳敏之、李詩韻、馬賽、單立文、王君馨、傅嘉莉、伍詠薇夫婦及曾與她傳緋聞的李思捷等在中環包場為她慶生，場面熱鬧。壽星女玩至凌晨二時，略帶醉意地由女友人拖實離開，期間不停叫記者「小心、多謝、多謝！」

略帶醉意的杏兒（左）由女友人拖實離開。

陳敏之將「杏兒男友」聽成自己男友，睇嚟佢飲醉喇！

鄭嘉穎（右）面紅紅地扶實監製陳維冠走人，飲得相當盡興。

戴黑超現身的李思捷（左）只與單立文傾偈時有啲表情。

鍾嘉欣（右）與馬賽（左）逗留到零時40分便快閃離開。

陳敏之被記者問到杏兒男友會否到場時即口快快地說：「唔會呀！佢唔得閒！」無意間踢爆杏兒有拖拍，其後伍詠薇立即澄清：「佢單身，成晚都係得佢一個，邊有男朋友！（敏之話佢有男友？）乜佢咁講嘢。」記者昨日致電陳敏之，她說：「當時個記者問我男友有冇嚟，我都唔記得自己結咗婚，咪咁答佢囉！」而壽星女杏兒受訪時則坦言很開心，因有如此多朋友陪伴而倍感幸福，問到何時拍拖，她說：「你哋仲緊張過我！」