與郭羨妮在《無雙譜》合作的黎耀祥，昨晚出席荃新天地聖誕活動時表示拍攝時未有察覺她的身體有任何不妥：「我哋仲一齊食飯，當時都傳佢有喜，但我唔好意思問。（慰問對方？）佢仲咁後生，繼續努力就生幾多有幾多，唔使擔心，冇事嘅，見到佢都會問候佢。」問到是否拍劇太辛苦令她過度操勞，祥仔說：「唔算辛苦，都冇返內地拍，今次可能係其他問題，希望佢冇嘢。」

黎耀祥及岑麗香（圖）均表示在拍劇期間，未有察覺郭羨妮有任何異樣。

黎耀祥

另外，對於郭羨妮小產，岑麗香表示不清楚，因大家在合演《無》劇時沒有對手戲，只是偶爾在化妝間碰面：「當時又冇留意到佢係咪心情失落，雖然我冇佢電話，但都希望佢同家人可以快啲恢復心情，加上呢啲係佢私人事，相信佢想講就會講，錫佢嘅人會令佢安心舒服。」