女星黃榕早前指被內地負心漢飛，據知原來是無綫奀星魏焌皓，二人去年底認識並發展姊弟戀，熱戀時男方不時充當司機接送、女方又常出入男方寓所，但約一個月前，男方突然失蹤令戀情無疾而終！黃榕曾上載「拖大隻仔」及「從後擁抱」的冇面照，指男方不能露面，惟其朋友上載二人孖住蒲合照而露餡。記者致電黃榕求證是否曾與魏焌皓拍拖，她說：「唔想再講邊個，過咗去。（分手原因？）搵唔到個人，失蹤人口咁，以後會帶眼識人。（識魏焌皓？）朋友囉，好耐冇聯絡！」有傳獲內地歌手劉漢兆力追，她說：「都傾得埋但佢冇表白。」