王祖藍昨晚出席於電視城舉行的《Sunday扮嘢王》歡宴，談到節目會否添食﹖他說：「下年再諗，最緊要唔好重複， 『老表』都唔會再開第三集啦，想同唔同人合作，《老表，你好hea﹗》就已經跑出咗過蔣志光。」蔣志光在《老表》爆笑改歌詞，兼再開金口成為網上熱話，擔任編劇的祖藍說：「由《食為奴》已經三顧草廬搵佢，聽聞佢喺電視上已經封口，今次畀咗個古仔佢睇，佢問係咪搵埋韋綺姍唱，歌詞我只係改咗兩句其他佢改。」另外，王祖藍昨日接受陳圖安主持的電台節目《U & Me一起講》訪問，大讚蔣志光與韋綺姍的演出是「經典中的經典」。

王祖藍接受訪問，並大讚蔣志光與韋綺姍演得好。

一眾台前幕後出席歡宴，場面墟冚。

此外，郭晉安前晚與韋綺姍等一起食飯看劇，更指看到蔣志光與韋綺姍那一段戲時感動到喊，他說：「睇劇本時都覺得似蔣志光的寫照。（想佢復出？）梗係想啦！佢話依家已經好多人搵佢登台，希望佢同姍姐出嚟重錄番首『相逢曾經再相識』。」